Қосымшадағы жаңа қызмет

Әділет министрлігінің, рес­пуб­ликалық нотариаттық палата мен «Ұлттық ақпараттық тех­нологиялар» АҚ ақпараттық жүйелері арасындағы интеграция азаматтарға нотариусқа бар­май-ақ нотариат куәландырған құ­жат­тарды бірнеше минут ішінде алуға мүмкіндік береді. Ерлі-зайып­тылардың келісімін талап ете­тін құжаттарды рәсімдеу eGov mobile қосым­шасының «eNotary» бөлі­мін­де қолжетімді. Қызметті пай­далану үшін онлайн ре­жімде биометриялық тек­се­ру­ден өту керек. Нотариус тұ­тынушының деректерін тексергеннен кейін келісім расталса, нотариалды куәландырылған құ­жат жасалады. Бейнеқоңырау аяқталғаннан кейін пайдаланушы «Нотариаттық іс-әрекет­тер» бөлімінде өтінімнің мәрте­бе­сін көре алады. eGov mobile қо­сымшасының «Цифрлы құ­­жат­тар» бөліміндегі QR кодты сканерлеу арқылы бей­некамераның кө­мегімен ресми куәландырылған сенімхаттың түп­нұсқалығын тексеруге де болады. Жаңа се­німхат «Цифр­лы құжаттар» бөлі­мінде қол­жетімді.

– Биыл­ сәуір айында eGov mobile қо­сым­шасында «eNotary» қыз­ме­ті іске қосылды әрі қазір­гі кез­де ол сұранысқа ие қызмет­тер­дің қатарында. Азаматтардың осы қызметті пайдалана отырып, әлемнің кез келген нүктесінен қа­жетті құжатты куәландыруға мүмкіндігі бар. Бұл қызмет ың­ғай­лы, өйткені құжаттарды рәсім­деуге нотариусты іздеп, оған ба­рудың қажеті жоқ. Енді ерлі-за­йып­тылардың келісімін бірнеше минут ішінде онлайн режімде алу­ға болады, – деді «Ұлттық ақпараттық технологиялар» АҚ бас­қарма төрағасы Ростислав Коняшкин.