Астана қаласында өтіп жатқан Азия чемпионатында бокстан жастар санатындағы қыздар арасынан Қазақстанның 10 спортшысы жартылай финалға шықты, деп жазады Egemen.kz.
Boxingkazakhstan инстаграм арнасының хабарлауынша, жартылай финалда жекпе-жекке шығатын Қазақстан боксшылары:
50 келі – Элянур Тұрғанова
54 келі – Томирис Мырзақұл
57 келі – Ұлжан Сәрсенбек
60 келі – Әйгерім Қабдолда
63 келі – Әсем Таңатар
66 келі – Бақыт Сейдіш
70 келі – Азиза Исина
75 келі – Шұғыла Нәлібай
81 келі – Анель Қалысова
81 келіден жоғары – Үміт Әбілқайыр.
Ал 81 және 81 келіден жоғары салмақта 3 ғана боксшы тіркелгендіктен, Өзбекстан құрамасының 2 спортшысы финалда ойын көрсетеді.
Аталған Азия құрлығы додасының жартылай финалында сондай-ақ Үндістан мен Өзбекстан - 12, Тайпей - 4, Жапония - 2, Моңғолия, Вьетнам, Таиланд, Иордания, Қырғызстан, Оңтүстік Корея -1 боксшысына үміт артады.