Мәжіліс депутаты Асхат Рақымжановтың пайымынша, ең төменгі жалақы мөлшері 200 мың теңге шамасында болуы керек, деп жазады Egemen.kz.
Халық қалаулысы Мәжілістегі ЖСДП фракциясы келесі жылға арналған ең төменгі жалақы мен күнкөріс минимумының деңгейімен келіспейтінін алға тартты. Ол өздерінің ай сайын әлеуметтік маңызы бар азық-түлік өнімдеріне тиісті мониторинг жасап тұратынын да атап өтті.
«Біздің есептеулерімізге сәйкес, орташа алғанда бір Қазақстан азаматы барлық табысының 55 пайызын азық-түлікке жұмсайды. Сол себептен де ең төменгі жалақы мөлшерін бірнеше есе көтеру керек», деді Асхат Рақымжанов.
Айта кетейік, 2024 жылдың 1 қаңтарынан бастап ең төменгі жалақы мөлшері 70 мың теңгеден 85 мың теңгеге көтеріледі.