«Қазақмыс» өндірісінде жұмыс барысында бір қызметкер қаза тапты, деп хабарлайды Egemen.kz компанияның баспасөз қызметіне сілтеме жасап.
Жазатайым оқиға 5 қарашада Шығыс Жезқазған кенішінің №57 шахтасында болған.
«Жұмысты орындау кезінде тау жынысы құлауы салдарынан 1984 жылғы тау кен шебері өлімге әкелетін жарақат алды. Арнайы комиссия жазатайым оқиғаның мән-жайы мен себептерін анықтап жатыр. «Қазақмыс» компаниясының басшылығы мен еңбек ұжымы марқұмның туыстары мен жақындарына қайғыра көңіл айтады», деп жазылған хабарламада.