Кәсіпқой бокста осы күнге дейін 15 жекпе-жек өткізіп, барлығында жеңіске жеткен жерлесіміз Сұлтан Зауырбек кезекті айқасында да қарсыласын нокаутпен жеңді, деп хабарлайды Egemen.kz.
Англияның Брайтон қаласында өткен айқаста аргентиналық Серхио Мартин Сосаны 6-раундта техникалық нокаутпен жеңді.
WBO тұжырымы бойынша Еуропа чемпионы атағына ие саңлақ жекпе-жектен кейін әлеуметтік желідегі парақшасында жазба жариялады.
«Он алтыншы жеңісіме қол жеткіздім барлық қолдаған жанкүйерлеріме рақмет. Чемпиондар, қашуды тоқтатыңдар, QazaQ KING таққа отыру керек», деп мәлімдеді С.Зауырбек.