Америкалық арудың шын есімі - Кэмерон Фарр. Алайда, ол қазақ тіліне деген ерекше құрметін білдіру үшін есімін Айбала Құдайбергенқызы деп өзгерткен, деп хабарлайды Egemen.kz.
17 жастағы америкалық қыз қазіргі таңда АҚШ-тың Атланта қаласында тұрады. Бүгінде ол қазақ тілі мен мәдениетімізді үйреніп жүр.
Қызды айналасындағылар полиглот деп атайды. өйткені небары 17 жасында-ақ ол неміс, испан, жапон, вьетнам, корей, қытай, индонезия, португал, француз, тай, тагал тілдерін жетік меңгеріп үлгерген.
Бүгінде қазақ тілін үйренуге құмартып жүр. Тілімізге, мәдениетімізге тәнті болған бойжеткен өзінің есімін Айбала Құдайбергенқызы деп қоюды жөн көрді.