Венгрияның бас шаһары Будапештте өтіп жатқан шайбалы хоккейден әлем чемпионатында 1А дивизионында Қазақстан жастар құрамасы үшінші жеңісіне қол жеткізді, деп хабарлайды Egemen.kz.
Қазақстан құрамасы Франция хоккей қақпасына 4 шайба соғып, ойсырата жеңді (4:0).
Естеріңізге салайық, бұған дейін еліміздің жастар құрамасы әуелі Венгрияны (5:2) ұтты, кейін Даниядан (3:2) басым түскен еді.
Қазақстан жастар құрамасы үш ойыннан кейін 9 ұпаймен көш бастап келеді.
Бүгін Қазақстан Жапонияға қарсы матч өткізеді.
Айта кетсек, 1А дивизионының жеңімпазы келесі жылы Жастар арасындағы әлем чемпионатының элиталық кезеңінде ойнайды.