Өскемен қаласында жәбірленушіні бопсалап қомақты қаржы талап еткен күдікті ұсталды, деп хабарлайды Egemen.kz Polisia.kz-ке сілтеме жасап.
«Өскеменде полиция қызметкерлері бопсалаушыны ұстады. 26 жастағы әйелді жедел уәкілдер ақша алу кезінде қолға түсірді. Күдікті жеке мәліметтерді жарияламау үшін 6 млн теңге талап еткен. Оңай олжаға кенелмек болған ол соманың бір бөлігін алу кезінде ұсталды. Қазір аталған фактіге қатысты сотқа дейінгі тергеу жүргізіліп жатыр», делінген ақпаратта.
Жеңіл жолмен баюды көздеген күдікті уақытша ұстау изоляторына қамалды.