ҰҚК прокуратура органдарының үйлестіруімен 15 ақпанда әлеуметтік желіде терроризмді насихаттады деген күдікпен Атыраудың 17 жастағы тұрғыны ұсталды, деп жазады Egemen.kz.
Күдіктінің үйін тінту кезінде тергеу негізіне сай келетін материалдар табылды.
Ұсталған атыраулық азамат өткен жылы ұқсас қылмысы үшін 2 жылға бас бостандығынан шектелген. Қабылданған процестік және профилактикалық шараларға қарамастан, ол құқыққа қарсы әрекеттерін жалғастырып келген.
Қазіргі уақытта қылмыстық кодекстің 256-бабы 1-бөлімі бойынша сотқа дейінгі тергеп-тексеру жүргізіліп жатыр.
ҰҚК террористік қылмыстар үшін жауапкершілік 14 жастан басталатынын ескертті.