Алматы тұрғындарына 23 ақпан күні дабыл белгісінің қосылатыны туралы ескертілді, деп хабарлайды Egemen.kz.
Қалалық Төтенше жағдайлар департаментінің басшысы Нұрлан Атығаев қалада 23 ақпанда сейсмикалық дайындық жүргізілетінін айтты. Оның аясында сағат 10:00-де сиреналар қосылады. Тұрғындар көшеге жылы киініп шығуы керек, өйткені бұл күні ауа температурасы нөлден төмен болады.
«Басты мақсат – қала тұрғындарының төтенше жағдайларда әрекет етуге дайындық деңгейін арттыру. Олар алдын ала эвакуациялау жолдарын, қауіпсіз жерлерді анықтап, апаттық сөмкелерді дайындайды. Қауіпсіз орындар - бұл электр желілері мен ғимараттардан алыс ашық жерлер. Барлық тұрғындарды белсенді қатысуын сұраймыз», деді Атығаев РСК-да өткен брифингте алматылықтарға.
Ол қалада жыл сайын 200-ге дейін әлсіз, байқалмайтын дүмпулердің болатынын еске салды.
«Бірақ сейсмологтардың айтуынша, қалада магнитудасы жеті және одан да жоғары жер сілкінісі күтілмейді. Сондықтан дайындықтың жер сілкінісін күтуге еш қатысы жоқ», деді ол.