Грузия, Польша, Украина 2024 жылғы Еуропа чемпионатына жолдама алды, деп хабарлайды Egemen.kz.
Плей-офф кезеңі арқылы Еурода бақ сынауға мүмкіндік алған бірінші команда Грузия құрамасы болды. Олар Грекияны пенальтилер сериясында (0:0, 4:2) ұтып үлгерді. Кейін оларға поляктар мен украиндар қосылып, Уэльс пен Исландияны турнирге жібермеді.
Еуро-24 топтарының құрамы:А тобы: Германия, Шотландия, Венгрия, Швейцария.В тобы: Испания, Хорватия, Италия, Албания.С тобы: Словения, Дания, Сербия, Англия.D тобы: Польша, Нидерланды, Австрия, Франция.Е тобы: Бельгия, Словакия, Румыния, Украина.F тобы: Түркия, Грузия, Португалия, Чехия.
2024 жылғы Еуропа чемпионатының финалдық кезеңі 14 маусым мен 14 шілде аралығында Германияда өтеді. Қазақстан құрамасы плей-офф кезеңінің жартылай финалында Грекия құрамасынан жеңіліп қалды.
Футболдан Грузия ұлттық құрамасы Грекияны жеңіп, тарихта тұңғыш рет Еуроға жолдама алды.
Бұған дейін футболдан Қазақстан ұлттық құрамасы жолдастық кездесуде Люксембургтен 1:2 есебімен жеңіліп қалды.