Атырау облысында Ойыл өзенінен төнген тасқын судың қаупі әлі сейілген жоқ, деп хабарлайды Egemen.kz.
Облыстық полиция департаменті баспасөз қызметінің ақпаратына сүйенсек, су полициясының қызметкерлері тұрғындарды эвакуациялауға көмекке келді.
«Тасқын су Қызылқоға ауданының орталығы – Миялы ауылынан шығатын айналма жолды шайып кетті. Қазір жол қозғалысы тоқтады. Су полициясының қызметкерлері 1 сәуірден бері Тайсойған ауылынан 100-ден астам тұрғынды моторлы қайықпен эвакуациялады. Бүгін, 2 сәуірде таңғы сағат 7-ден бері Көздіқара елді мекенінен 30-ға жуық тұрғынды эвакуациялау басталды», деп хабарлады департаменттің баспасөз қызметі.