20-дан астам жаңа камера жылдамдық асырған жүргізушілер туралы ақпараттарды жібере бастады, деп хабарлайды Egemen.kz аlmaty-akshamy.kz-ке сілтеме жасап.
Бүгіннен бастап 21 «Zerek-2» аппараттық-бағдарламалық кешені мына жолдарда штаттық режимде жұмыс істейді: Павлодар – Қалбатау, Бейнеу – Ақжігіт, Орал – Самара, Павлодар – Омск, Орал – Саратов.
Жылдамдық асырған жүргізуші туралы ақпаратты камера әкімшілік іс жүргізудің бірыңғай тізіліміне жібереді.
Айта кетсек, осыдан бір жыл бұрын тура осындай бейнебақылау жүйесі Шымкент – Қызылорда, Шымкент – Өзбекстан шекарасы, Шымкент – Тараз, Тараз – Қайнар, Қонаев – Талдықорған, Астана – Павлодар тасжолдарында жұмыс істей бастады. Мәжілісмендер полицияға көліктің орташа жылдамдығын анықтауға мүмкіндік беретін заңнамалық түзетулер жобасын екінші оқылымда қабылдады.