Түркістан облысына қарасты Ордабасы ауданы полициясы ұрлық жасаған күдіктіні анықтады, деп хабарлайды Egemen.kz облыстың полиция департаментіне сілтеме жасап.
Анықталғандай, су құбырларын жүргізу жұмысы болып жатқан мекенжайдан 36 жастағы ер адам 600 су есептегіш құралын ұрлап, темір қабылдайтын орынға өткізіп жіберген.
Полиция қызметкерлері ұрланған затты тәркілеп, иесіне қайтарды.
«Жәбірленушіге 5 миллион теңге шығын келген. Күдіктінің бұдан басқа да қылмыстарға қатыстылығы тексеріліп жатыр», делінген хабарламада.