Шымкент қаласы әкімдігінің 26 қызметкері тәртіптік жауапкершілікке тартылды. Бұл туралы қалалық прокуратура хабарлады, деп жазады Egemen.kz.
Қала прокуратурасы тексеру барысында жергілікті әкімдік қызметкерлері сот сенімді деп таппаған кәсіпкерлерді мемлекеттік күмәнді сатып алушылар тізіміне қоспағанын анықтады.
«Бұл жауапсыздық сенімсіз кәсіпкерлерге конкурстарға еркін қатысуға және тапсырыс берушілермен мемлекеттік сатып алу туралы келісім жасауға мүмкіндік беретін еді. Прокурорлық қадағалау актісі бойынша 29 күмәнді кәсіпкер жоғарыда аталған тізімге енгізілді», делінген хабарламада.