Ішкі істер министрлігі «Qarmet» АҚ-дан ұрлық жасады деген күдіктілердің суретін жариялады, деп хабарлайды Egemen.kz.
Қылмыстық топтың аса ірі көлемде жасаған алаяқтық фактісі бойынша тіркелген қылмыстық іс бойынша (ҚР ҚК 190-бабының 4-бөлігі) екі азаматқа іздеу жарияланды.
Ахметжанов Мирас Қалымбекұлы, 1987 жылы 2 сәуірде туған, Абай облысының тумасы, бұрын ұрлық жасағаны үшін сотталған. Бұлтартпау шарасы − «қамауда ұстау».
Чижевский Андрей Александрович, 1987 жылы 29 қарашада туған, Қостанай облысының тумасы. Бұлтартпау шарасы − «қамауда ұстау».
«Іздеудегі адамдардың жүрген жері туралы ақпарат болса, ел азаматтарынан Астана қаласы, Тәуелсіздік даңғылы, 1 мекенжайы бойынша Ішкі істер министрлігінің Ұйымдасқан қылмысқа қарсы күрес департаментіне немесе 8-705-177-14-19, 8-702-975-62-48, 8-775-299-79-97, 8-7172-72-20-99 байланыс нөмірлеріне хабарлауды сұраймыз», делінген хабарламада.