ҚАРАҒАНДЫ. 12 маусым. Қала іргесіндегі Спасск оқу-жаттығу базасында «Айбын» республикалық әскери-патриоттық жиын өтуде. Шараға еліміздің барлық өңірінен 800-ге жуық жас қатысуда. Бұл туралы egemen.kz тілшісі хабарлайды.
Ұйымдастырылып отырған шараға Қорғаныс министрінің бірінші орынбасары, Қарулы күштері Бас штабының басшысы генерал-полковник Сәкен Жасұзақов қатысып, қатысушыларды құттықтады. Ол: «Бұл шара жастарды отансүйгіштікке тәрбиелеп, патриоттық сезімін қалыптастыруға арналған. Сіздер оқу-жаттығу кезінде темірдей тәртіпті үйреніп, әскери даярлықтарыңызды жетілдіре түсесіздер. Барлықтарыңызға сәттілік тілеймін», – деді.
Әскери-патриоттық жиында қатысушылар спорттық сайыстардан бақ сынайды. Атап айтсақ, жас сарбаздар мен студенттер белтемірге тартылу, мылтық ату, газ тұмшасын жедел кию, медициналық жәрдем көрсету, қашықтыққа жүгіру секілді сынақтар тапсырады.
Айта кетейік, сайыс қортындысы ертең анықталып, үздіктер марапатталатын болады.
Айқын Несіпбай.
Дерек: egemen.kz.
Сурет: vk.com.