Павлодар облысы Май ауданы Жұмыскер ауылының маңында жаңа су қоймасы салынады. Бұл туралы жауапты министрлік хабарлады, деп жазады Egemen.kz.
Су қоймасы 2,5 млрд текше метр су жинауға қауқарлы болмақ. Сондай-ақ өңірдегі №87 апаттық бөгет пен №4 су торабы қайта жаңғыртылады.
«Суару жүйелерін, оның ішінде «Ертіс-Успенка» каналын, Аққулы ауданының Лебяжі суару жүйесін, Аққулы, Ертіс, Павлодар, Ақтоғай аудандарында және Екібастұз қаласында лиманды суару жүйелерін ауқымды реконструкциялау да жоспарда бар. Өңірдегі су үнемдеу технологияларын қолданатын егіс алқаптарын 141 мың гектарға дейін ұлғайту міндеті қойылды», деді облыс тұрғындарымен кездесуде Су ресурстары және ирригация министрі Нұржан Нұржігітов.