Өскеменде бес қабатты тұрғын үйден өрт шығып, 10 адам эвакуацияланды, 4 тұрғын құтқарылды, деп хабарлайды Egemen.kz.
Өрт бес қабатты тұрғын үйдің үшінші қабатындағы пәтерден шыққан. Құтқарушылар оқиға орнына дереу жетіп, құтқару құрылғысының көмегімен 4 тұрғынды құтқарған. Олардың арасында 3 бала бар.
Сондай-ақ түтін аймағынан 10 тұрғын эвакуацияланды. Пәтердегі тұрмыстық заттар өртенген, өрт 30 шаршы метр алаңда шарпыған.
ТЖМ-нің мәліметінше, зардап шеккендер жоқ. Өрттің себебі анықталып жатыр.