АСТАНА. Грузияның Премьер-министрі Ираклий Гарибашвили 15 маусымды осы елдегі су тасқынынан қаза тапқандарды еске алуға орай қаралы күн деп жариялады. Бұл туралы «ҚазАқпарат» хабарлады.
Премьер-министр Ираклий Гарибашвили: «Өкінішке орай, адамдар опат болды. Бұл үлкен қасірет. Қаза тапқандардың отбасылары мен туған-туысқандарына қайғырып көңіл айтамын. Грузия үкіметінің 15 маусым күнін қаралы күн деп жариялау туралы өкімі шықты», – деді.
Айта кетейік, елдегі тасқыннан 12 адам қаза тауып, ондаған отбасылар үйсіз-күйсіз қалды.
Естеріңізде болса, бірнеше сағат толассыз жауған жауыннан Грузия астанасы Тбилиси қаласындағы мөлтек аудандар тасқын судың астында қалған болатын.
Талғат Райымбек.
Дерек, сурет: «ҚазАқпарат».