Қазақстанда жыл сайын адам саудасына қатысты 150-ге жуық қылмыстық іс қозғалады, деп хабарлайды Egemen.kz.
ІІМ Ұйымдасқан қылмысқа қарсы күрес департаменті Үшінші басқармасы бастығының орынбасары Шынар Көшербаеваның айтуынша, ІІМ құрылымында адам саудасына қарсы күрес бөлімшелері жұмыс істейді, жыл сайын 150-ге жуық қылмыстық іс қозғалады.
«Осы жылдың өткен кезеңінде 134 қылмыстық іс тіркелді. Оның ішінде: адам ағзасының мүшелерін саудалағаны үшін – 15 іс; адамды қанау мақсатында ұрлағаны үшін – 2; қанау мақсатында заңсыз бас бостандығынан айырғаны үшін – 3; адам саудасы үшін – 15; кәмелетке толмағанды жезөкшелікпен айналысуға тартқаны үшін – 12; кәмелетке толмағандарды саудалағаны үшін – 3; жезөкшелікпен айналысуға тартқаны үшін – 7; притон ұйымдастырғаны және жеңгетайлық жасағаны үшін – 77», деді спикер Ш.Көшербаева.