Әлеуметтік желіде Алматыдағы Құрлық әскерлерінің әскери институтынан сержанттың денесі табылғаны туралы ақпарат тарап жүр. Ішкі істер министрлігі бұл ақпаратты растады, деп жазады Egemen.kz.
Марқұмның жасы 44-те болған. Ресми орган сержанттың өлімі туралы оқиғаны растады, бірақ оның қайда, қалай болғаны туралы мән-жай әлі анықталып жатқанынын алға тартты.
Әскери тергеу органы оқиғаға байланысты істің анық-қанығын зерттеуге кіріскен.
«Аталған факті бойынша оңтүстік өңірлік әскери тергеу басқармасы ҚР Қылмыстық кодексінің 105-бабының 1-бөлігі бойынша сотқа дейінгі тергеу амалдарын бастады. ҚР Қылмыстық іс жүргізу кодексі бойынша өзге ақпарат жария етілмейді», делінген ІІМ хабарламасында.