АСТАНА. 15 маусым. Бүгін Флорида штатының экс-губернаторы Джеб Буш АҚШ президенттігіне үміткер ретінде өз кандидатурасын ресми түрде ұсынатын болады. Бұл туралы gazeta.ru хабарлады.
Джеб Буш өзінің Твиттердегі парақшасына сайлауалды науқанының логотипін жариялады. Сондай-ақ, ол CNN телеарнасына берген сұхбатында: «Сайлауалды додада кандидат мәртебесіне ие болуы болашақ президентке қажетті лидерлік қасиеттерін сақтауына ықпалын тигізеді», – деді.
Айта кетейік, сайлауда жеңіске жеткен жағдайда Буш жанұясы АҚШ президенті тағына үш бірдей өкілі сайланған ел тарихындағы алғашқы әулетке айналатын болады.
Талғат Райымбек.
Дерек, сурет: gazeta.ru.