Астанада ерекше қажеттіліктері бар адамдар дауыс берді

Дауыс беру кезінде ерекше қажеттіліктері бар азаматтар үшін сайлау учаскелерінде қолайлы жағдай жасалды.   Референдум учаскелерінде пандустар, тұтқалар мен тактильді белгілер, көру қабілеті бұзылған азаматтарға аудиожазбаны тыңдағаннан кейін бюллетеньдерді өз бетінше толтыруға мүмкіндік беретін қолжетімді трафареттер орнатылды. Сонымен қатар мүмкіндігі шектеулі адамдар тіркелген учаскелерде жеке көмекшілер мен сурдоаудармашылар қызмет көрсетеді.   Астана тұрғыны Әсемгүл Әбдірахманова №83 мектеп-гимназияда орналасқан №56 сайлау учаскесіне инватакси арқылы келді. Сайлау учаскесінде оған ыңғайлы және қолжетімді дауыс беру үшін барлық мүмкіндік берілді.   «Учаскеге келгенімде  еріктілер қарсы алып, жол көрсетті. Бұл референдум - мүмкіндігі шектеулі жандар үшін де мүмкін емес нәрсе жоқ екенін көрсетті», деді сайлаушы.