Төтенше жағдайлар министрлігі 6 қазанда Қарағанды облысында Қарқаралы ауданындағы дала өртін сөндіру барысында қызметтік міндетін атқару кезінде №24 өрт сөндіру бөлімінің аға өрт сөндіруші-құтқарушысы қаза тапқанын хабарлады, деп жазады Egemen.kz.
1991 жылы туған сержант Хали Хайрат азаматтық қорғау органдарында 2014 жылдан бастап жұмыс істеген.
Министрлік оқиғаның мән-жайын анықтау ісі мен сотқа дейінгі тергеу басталғанын мәлім етті. Ведомствоның Апаттар медицинасы орталығының психологтары қайтыс болған қызметкердің туыстарына қажетті психологиялық көмек көрсетіп жатыр.
«Қазақстан Республикасы Төтенше жағдайлар министрлігі өрт сөндірушінің туыстары мен жақындарына көңіл айтады. ТЖМ қаза тапқан өрт сөндірушінің отбасына жан-жақты көмек пен қолдау көрсетеді», делінген ТЖМ хабарламасында.