26 қазанда АҚШ-тың Пуэбло қаласында 19 жасқа дейінгілер арасында бокстан әлем чемпионаты басталады, деп хабарлайды Egemen.kz.
World Boxing – 2023 жылдың сәуір айында құрылған халықаралық бокс федерациясы. Қыркүйек айында Қазақстан World Boxing-ке кіруге өтінім бергені мәлім.
Қазақстан бокс федерациясының мәлімдеуінше, аталған әлем біріншілігіне 30 елден барлығы 180 боксшы қатысады.
Ел намысын 4 боксшы қорғайды:
Ерасыл Аманғалиев (55 кг). Асылхан Көшербай (65 кг). Диас Серікұлы (70 кг). Даниял Райымбеков (85 кг).