АЛМАТЫ. 17 маусым. Би-Би-Си-дің әлемдік көрермендері бар аса танымал Top Gear телебағдарламасын бұдан былай Крис Эванс жүргізетін болды. Бұл туралы ВВС хабарлады.
Крис Эванс корпорациямен 3 жылдық келісім шартқа отырды. Осыған орай сұхбат берген Эванс «Top Gear менің ең жақсы көретін бағдарламам, сондықтан да менің қуанышымда шек жоқ» деді. Ал, Джереми Кларксон түсірген соңғы бағдарлама алдағы 28 маусым күні көрсетіледі. Top Gear телбағдарламасының 22 маусымы сонымен аяқталады. Джереми Кларксон осылайша 100 мың долларлық жылдық табысынан айырылды. Ол наурыз айындағы түсірілім кезінде бағдарлама продюсерімен сөзге келіп, шиеленістің ақыр-аяғы қонақ үйдегі «қол көтеруге» дейін ұласқан. Би-Би-Си – миллиондаған көрермендерінің қимастық білдіргеніне, Джереми Кларксонның өзінің кешірім сұрағанына қарамастан, «қызба мінезді» жүргізушіні бәрі-бір қызметінен босатқан еді.
Талғат Сүйінбай.
Дерек: ВВС.
Сурет: topgear.com.