Шолу мағлұматты сала министрлігі жария етті, деп хабарлайды Egemen.kz.
Шорт-трек: Бейжіңде (Қытай) World Tour кезеңінде Қазақстан әйелдер командасы эстафетада қола жүлде (әлемдік турда жеңіп алған алғашқы жүлде) иеленді. Ел намысын Малика Ермек, Алина Ажғалиева, Яна Хан мен Ольга Тихонова қорғады.
Конькимен жүгіру: Польшаның Томашув-Мазовецк қаласында жасөспірімдер арасындағы Әлем кубогі кезеңінде Арина Ильященко 500 метр қашықтықты 41.30 секундта жүгіріп өтіп, күміс медаль иегері атанды. Сонымен қатар Анастасия Беловодова мен Михаил Матрюхин аралас эстафетада үшінші орынға ие болды.
Пара спорт: Малайзияда ұйымдастырылған есту қабілеті нашар спортшылар арасында Х Азия-Тынық мұхиты ойындарында Қазақстан құрамасы спорттың 6 түрінен 66 медаль (17 алтын, 25 күміс және 24 қола) жеңіп алды.
Теннис: Латвияның Айзкраукле қаласында жасөспірімдер арасындағы ITF J100 турнирінде Заңғар Нұрланұлы чемпион атанды. Әлемдік рейтингте 77-орында тұрған отандасымыз финалда Нидерланд өкілі Хайде Шонмарксты жеңді – 6:3, 6:2.
Аралас жекпе-жек: АҚШ-тың Лас-Вегас қаласында UFC 310 турнирінде Шавкат Рахмонов (19-0) ирландиялық файтер Иэн Гэрримен жекпе-жекке шығып, төрешілердің бірауыздан қабылдаған шешімімен жеңіске жетті.