Бұл туралы Ауыл шаруашылығы министрлігі мәлім қылды, деп хабарлайды Egemen.kz.
Аталған ведомствоның баспасөз қызметінің мәліметінше Балық шаруашылығы комитетінің Жайық-Каспий облысаралық бассейндік балық шаруашылығы инспекциясы қызметкерлерінің жедел іс-қимылы барысында балық шабақтары шоғырланған су жайылымы анықталған.
«ҚазСуШар» Төменгі-Жайық филиалының, Махамбет ауданына қарасты Бақсай ауылдық округі әкімдігінің, Теңіз және Махамбет балық инспекциясы бөлімдері қызметкерлерінің бірлескен үйлесімді жұмысы нәтижесінде 300 мың балық шабақтары құтқарылып, Жайық өзеніне жіберілген. Жайықтың жағалау жиегіне мониторинг жүргізу жұмысы жалғасып жатыр.