«ҚазАвтоЖол «ҰК» АҚ» көлік жүргізушілеріне бірқатар облыстардағы тас жолдарда ауа райының нашарлауына байланысты ескерту жасады, деп хабарлайды Egemen.kz.
2024 жылғы 23 желтоқсанда Абай, Ақмола, Атырау, Батыс Қазақстан, Жетісу, Қарағанды, Қостанай, Павлодар, Солтүстік Қазақстан және Шығыс Қазақстан облыстарының кей жерлерінде қар күтіледі.
«Сол себепті жүргізушілерден қауіпсіздік ережелерін қатаң сақтап, жолдардағы ауа райының қолайсыздығын ескерулеріңізді сұраймыз», деді «ҚазАвтоЖол» баспасөз қызметі.
Айта кетейік, бүгін республиканың басым бөлігінде бұрқасын болып, қар жауады. Елдің батысында жел күшейіп, тұман түсіп, көктайғақ болады.