Екі облыс аумағында үйіне оралмаған шопандарды құтқарушылар аман-есен тапты, деп хабарлайды Egemen.kz.
ТЖМ мәліметінше, Жетісу облысы Панфилов ауданы Сарыбел ауылының шетіне шыққан 1980 жылы туған шопан жоғалып кеткен, туыстары құтқарушылардан көмек сұраған.
«Іздеу тобы жоғалған азаматты Сарыбел ауылынан 5 шақырым жерде тапты», делінген хабарламада.
Жедел жәрдем қызметкерлеріне тапсырылған шопанның жағдайы тұрақты екені хабарланды.
Сонымен қатар, Ақтөбе облысының Темір ауданына қарасты Кеңқияқ ауылынан екі шопанның мал іздеуге шығып, оралмағаны туралы хабар 112 пультіне түскен.
ТЖМ баспасөз қызметі хабарламасында:
«Іздеу тобы азаматтарды Шұбарқұдық ауылынан 35 шақырым жердегі далада тапты. Олар медициналық көмекке мұқтаж болмады», делінген.