Ұлттық олимпиадалық комитет Australian Open-2025 турнирінде өнер көрсететін Қазақстан теннисшілерінің қарсыластары анықталғанын мәлім етті, деп жазады Egemen.kz.
Аустралияның ашық чемпионаты 12-26 қаңтар аралығында өтеді. Беделді турнирде 4 отандасымыз жарыс жолына шығады.
Еліміздің бірінші, әлемнің алтыншы ракеткасы Елена Рыбакина алғашқы айналымда 16 жастағы австралиялық Эмерсон Джонспен (WTA рейтингінде 371-орында) өзара мықтыны анықтайды.
Юлия Путинцева (WTA рейтингінде 25-орында) жарысты армениялық Элина Аванесянға қарсы (WTA рейтингінде 44-орында) өткізеді.
Александр Шевченко (ATP рейтингінде 72-орында) алғашқы матчында әлемнің үшінші ракеткасы Карлос Алькараспен (Испания) күш сынасады.
Ал Александр Бублик (ATP рейтингінде 27-орында) турнирді аргентиналық Франсиско Серундоломен (ATP рейтингінде 31-орында) кездесуден бастайды.