АСТАНА. 18 маусым. Алғаш рет 10 долларға әйел бейнесі енгізілетін болды. Дегенмен кімнің суреті салынатынын әзірге АҚШ билігі нақтылаған жоқ. Бұл туралы ТАСС хабарлады.
АҚШ-тың қаржы министрі Джейкоб Лью журналистерге берген сұхбатында: «10 доллар айналымға шыққалы бері біз мұның дизайнын бірнеше мәрте өзгерттік. Десе де, 100 жылдың ішінде алғаш рет әйел адамның бейнесін осы ақшаға енгізетінімізді мақтан тұтамын», – деді. Сондай-ақ, министр жаңа банкнот 2020 жылы айналымға шығатынын мәлімдеді.
Айта кетейік, қазіргі қолданыстағы 10 долларда АҚШ-тың тұңғыш қаржы министрі Александр Гамильтонның бейнесі бар.
Талғат Райымбек.
Дерек, сурет: ТАСС.