АЛМАТЫ. 11 ақпан. Алматыда бір «Газель» жүк көлігі жанып кетті. Бұл туралы «ҚазАқпарат» хабарлады.
Төтенше жағдай Әл-Фараби-Меңдіқұлов көшелерінің қиылысында таңертеңгі сағат 10-дарда орын алған. Мұның дерегін қалалық төтенше жағдайлар департаментінің баспасөз қызметкері Нұрбек Қожахметов жеткізді.
Оқиға орнында 1 өрт сөндіру бригадасы жұмыс істеді. Өрт 11:13-те өшірілді. Аталған қиылыста жол қозғалысы қиындап, кептеліс орын алған.
Өрт салдарынан ешкім зардап шеккен жоқ.
Қазір көліктегі өрттің неден тұтанғаны анықталу үстінде.
Құрыш Нұрымбет.
Дерек, фото: ҚазАқпарат.