АҚТӨБЕ. 20 маусым. Ақтөбеде ірі ресторандардың бірі өртеніп жатыр. Бұл туралы Ақтөбе облыстық төтенше жағдайлар департаментіне сілтеме жасаған egemen.kz тілшісі хабарлады.
Отқа оранған «Ланселот» рестораны Оспанов және ағайынды Жұбановтар көшелерінің қиылысында орналасқан. Куәгерлердің айтуынша, өрт шамамен сағат 16:30-да басталған. Ал кезекші бөлімге төтенше жағдай туралы хабар 17:00-де келіп түскен.
Қазір оқиға орнында өрт сөндірушілер жұмыс істеуде. Тілсіз жау салдарынан зардап шеккендер туралы ақпарат жоқ. Апат салдарынан келген шығын көлемі анықталуда.
Сатыбалды Сәуірбай.
Дерек: egemen.kz.
Сурет: tengrinews.kz.