АСТАНА. 4 тамыз. Мәскеуде кеңестік-ресейлік белгілі кинорежиссер Эльдар Рязановтың жүрегіне ота жасалды. Бұл туралы ТАСС-қа сілтеме жасалған ras.kz хабарлады.
Шілде айының соңында белгілі кинорежиссер ауа жетпей, жүрегі шаншып ауыра бастағанын сезініпті. Сосын оның отбасы мүшелері Рязановты Мәскеудің кардио-орталығына жатқызып, жоспарлы емдетуді жөн көріпті. Ал тексерудің нәтижесінде оның жүрегіне операция жасауға шешім қабылданады.
«Жүрегі шаншып, ауа жетпейтініне шағымданған Эльдар Рязановты отбасы тексеруден өткізу үшін орталыққа алып келді. Дәрігерлер жүректің жұмысы мен коронографиясына тәуліктік мониторинг жасады. Қорытындыда жүректің коронарлық қан тамырларының тарылып кеткені анықталды. Сондықтан шұғыл түрде оған стенд орнатуға тура келді», – деп хабарлады мәнбе агенттікке.
Мәнбенің айтуынша, 87 жастағы пациент қазір жансақтау бөлімінде жатыр. Оның денсаулық жағдайына жасалған болжам жақсы, жақын күндерде палатаға шығарылады.
Талғат Райымбек.
Дерек, сурет: ras.kz.