ПАВЛОДАР. 7 мамыр. Облыс орталығындағы «Мәшһүр Жүсіп» орталық мешітінде Жеңістің 70 жылдығына орай «Ардагерлерді ардақтайық» атты арнайы шара болып өтті. Бұл туралы egemen.kz тілшісі хабарлады.
Соғыс ардагерлеріне арналып ас берілді. Онда ардагерлер соғыстағы және тылда өткен қиындық пен ауыртпалыққа тола өмірлерінің естеліктерімен бөліссе, облыс имамы Нариман имандылық, ар-иман, отансүйгіштік пен бірлік тақырыбында уағыз айтты. Ардагерлерге сыйлыққа кітаптар, орамал, тақиялар табысталды. Мешітке келген қарттар: «Алла елімізді аман, жерімізді тыныш етсін», деп бата берді.
Фарида Бықай.
Дерек, сурет: egemen.kz