Атырауда соңғы 3-4 күннен бері аптап ыстықтың беті қайтар емес. Синоптиктер алдыңғы күні аптап ыстықтың +43 градусқа көтерілгенін растады. «Қазгидромет» РМК Атырау филиалының метеоболжам бөлімінің басшысы Гүлайна Мырзашеваның жергілікті басылымдарға хабарлағанындай, кеше Махамбет ауданында ауаның температурасы +43 градусты көрсетіпті. Оның айтуынша, Атырауда алдағы күндері аптап ыстық +40-41 градус болатындығы күтілуде.
Мұндай аптап ыстық әлі де бір аптадай сақталмақ екен. Синоптиктер айдың соңғы күндері, яғни 29-30 маусымда температура +42 градустан да жоғарылайтындығына назар аударып отыр.
Жолдасбек ШӨПЕҒҰЛ,
«Егемен Қазақстан».
АТЫРАУ.