13 ақпанда елдегі қай жолдар ашық, қайсысы жабық?

13 ақпан сағат 08:00-дегі жағдай бойынша Жамбыл облысында республикалық маңызы бар «Мерке – Шу – Бурылбайтал» автожолының 156-268 шақырым аралығында (Бірлік ауылынан Бурылбайтал ауылына дейін) барлық көлік түрлері үшін қозғалыс ашылды.

Жылдамдыққа шектеу қойылған учаскелер

Ауа райының қолайсыздығына байланысты бірқатар жолда жылдамдық режимі өзгертілді:

Қарағанды облысы:

«Астана – Қарағанды – Алматы» (KAZ 01) автожолының 92-164 шақырымы (Анар станциясы – Теміртау ақылы жол бекеті).

Ақмола облысы:

«Астана – Көкшетау (айналма жолымен) – Петропавл – РФ шекарасы (Жаңа жол өткізу бекеті)» (KAZ 02) автожолының 18-232 шақырымы.

Жабық жолдар

Ауа райының нашарлауына байланысты республикалық маңызы бар келесі жол учаскелерінде қозғалыс уақытша шектелді:

Ауа райына байланысты бірқатар облыста жолдар жабылды

Алматы облысы:

«Қонаев – Күрті» автожолы, 0-67 км (Қонаев қаласы – Күрті ауылы);

«Астана – Қарағанды – Алматы» автожолы, 2295-2436 км (Ақсеңгір/Ақсай ауылы – Қаншеңгел ауылы аралығы);

«РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы» автожолы, 59-143 км (Жаңақұрылыс ауылы – Жамбыл облысы шекарасы).

Жамбыл облысы:

Аталған халықаралық дәліздің 143-214 км (Алматы облысы шекарасы – Қордай ауылы);

159-238 км (Кенен ауылы – Қайнар ауылы);

238-476 км (Тараз қаласы – Қайнар ауылы);

476-534 км (Тараз қаласының айналма жолы);

534-593 км (Айша-бибі ауылы – Түркістан облысы шекарасы).

Түркістан облысы:

Сол автожолдың 593-654 км (Жамбыл облысы шекарасы – Машат кенті).

Павлодар облысы:

«Астана – Шідерті – Павлодар – Успенка – РФ шекарасы» автожолындағы «Қалқаман» жол айрығында (Қалқаман кентіне кіреберіс және Астана бағытына шығу) көпір құрылымының зақымдануына байланысты қозғалыс шектелді.

Шығыс Қазақстан облысы:

Осинов асуында (46-66 км, Северный ауылы бұрылысы – Серебрянск қаласы бұрылысы) 2024-2025 жылғы қысқы кезеңде тіркемесі және жартылай тіркемесі бар жүк көліктерінің қозғалысына шектеу енгізілген.

Синоптиктердің болжамынша, бірқатар өңірде көктайғақ, тұман, жаңбыр мен қар аралас жауын-шашын, жел күтіледі.