Еліміздің басым бөлігінде ауа райы ауқымды антициклонның ықпалында болады, сондықтан жауын-шашынсыз, тұрақты климат күтіледі. Тек республика аумағының батыс өңірінде кей жерлерде жаңбыр жауып, найзағай ойнауы мүмкін. Айрықша назар аударылатын өңір – Маңғыстау облысы, мұнда 28 наурызда қатты жаңбыр жаууы мүмкін. Бұл туралы Қазгидромет мәлімдеді, деп хабарлайды Egemen.kz.
Сонымен қатар, алдағы күндері республиканың кей бөліктерінде жауын-шашын күтіледі. 26 наурызда Солтүстік Қазақстан облысында жаңбыр мен қар жаууы ықтимал. 27-28 наурызда Шығыс Қазақстан облысында жауын-шашын (жаңбыр, қар) болжанған.
Республика бойынша тұман түсіп, солтүстік пен шығыс өңірлерде көктайғақ құбылыстары сақталады, бұл жол қозғалысына қосымша қауіп төндіруі мүмкін.
Бүгін елімізде ауа райы құбылмалы болады
Ауа температурасы күндізгі уақытта өңірлер бойынша келесідей өзгереді:
Батыс және солтүстік-батыс өңірлерде +15…+25°С; Солтүстік пен шығыста +10…+17°С; Орталық Қазақстанда +13…+24°С; Оңтүстік өңірде +21…+30°С; Оңтүстік-шығыс өңірде +18…+27°С; Таулы аймақтарда +10…+15°С.Азаматтар ауа райы жағдайына байланысты сақтық шараларын ұстанып, жаңбыр мен көктайғаққа, сондай-ақ жолдағы қауіп-қатерге назар аударуы қажет.
Еске сала кетейік, 25 наурызда республика бойынша тұман түсіп, солтүстік пен орталықта көктайғақ болды.