АТЫРАУ. 26 ақпан. Атырау облысының әкімі Бақтықожа Ізмұхамбетов екі ауданда бірде-бір инвестициялық жоба іске асырылмағанын мәлім етті. Бұл туралы egemen.kz тілшісі хабарлады.
«Былтыр бизнес-инкубатордың инфрақұрылымын жақсартуды тапсырып едім. Орындалған жоқ. Қала, аудан әкімдері инвестициялық жобаларды жүзеге асыруға көңіл бөлмей отыр. Мәселен, Исатай мен Қызылқоғада бірде-бір инвестициялық жоба жүзеге аспады. Шағын және орта бизнесті қолдауда Құрманғазы ауданы қалыс қалды» деп мәлім етті жұртшылық алдындағы есеп беру жиынында Атырау облысының әкімі Бақтықожа Ізмұхамбетов.
Жолдасбек Шөпеғұл.
Дерек: egemen.kz.
Сурет: Рахым Қойлыбаев.