Ирандағы қақтығыс басталғалы бері әлемдік нарық құны 50 млрд доллардан асатын мұнайдан қағылды. Сарапшылар бұл дағдарыстың салдары ұзақ уақытқа созылу мүмкін екенін ескертеді, деп жазады Egemen.kz.
Халықаралық бағалауларға сәйкес, соғыс салдарынан әлемдік нарықтан 500 млн баррельден астам мұнай мен конденсат түспей қалған. Бұл – қазіргі кезеңдегі ең ірі энергетикалық үзілістердің бірі. Мұндай көлем жаһандық экономикаға 5 күн бойы мұнай жеткізілмеген жағдаймен тең.
АҚШ пен Иран арасындағы соғыс салдары: Сауд Арабиясының мұнай экспорты 50%-ға төмендеді
Парсы шығанағындағы араб елдері наурыз айында өндірістің шамамен 40%-ын жоғалтып, тәулігіне 8 млн баррель мұнай өндіре алмады. Сонымен қатар аймақта авиаотын экспорты күрт төмендеп, 19,6 млн баррельден 4,1 млн баррельге дейін қысқарды. Бұл халықаралық әуе тасымалына айтарлықтай әсер етті.
Сарапшылардың айтуынша, қақтығыс басталғалы мұнай бағасы барреліне шамамен 100 доллар деңгейінде қалыптасқан. Соның нәтижесінде жоғалған көлем 50 млрд доллар табыстың кемігенін білдіреді.
Иран әуе кеңістігін ішінара ашты
Қалпына келтіру үдерісі оңай болмайды. Қазіргі таңда әлемдік мұнай қоры азайып, өндірістегі үзіліс тәулігіне 12 млн баррельге дейін жеткен. Кейбір кен орындарын бұрынғы деңгейге келтіру үшін 4-5 ай қажет, ал өңірдегі энергетикалық инфрақұрылымды толық қалпына келтіру бірнеше жылға созылуы мүмкін.
Жалпы, Ирандағы соғыстың жаһандық мұнай нарығына салдары ұзақ мерзім бойы сезілуі ықтимал.
Иран Ормұз бұғазын қайта жапты