ЖАС ТІЛШІЛЕР ОЛЖАЛЫ ОРАЛДЫ

ТМД ЕЛДЕРІ ЖАС ЖУРНАЛИСТЕРІНЕ АРНАЛҒАН V ХАЛЫҚАРАЛЫҚ ЖАЗҒЫ МЕКТЕПКЕ БИЫЛ ҚАЗАҚСТАН ДА ҚАТЫСТЫ Ақпараттық кеңістіктегі тәжі­ри­белер мен ынтымақтастықты өзара жандандыру мақсатында, сонымен қатар, білім беру көкжие­гіндегі әріптестікті жоғары сатыға көтеру арқылы білікті мамандар тәрбиелеу ісінде кәсібилікті терең­дету үшін жуырда Гуманитарлық ынтымақ­тас­­тықтың мемлекетара­лық қоры, Ресейдің “РИА Новос­ти” халық­ара­лық ақпарат агенттігі, Бело­руссия Республикасының EcooM сараптама орталығының ұй­ымдас­тыруымен ТМД елдері жас жур­на­листеріне арналған V халық­аралық жазғы мектеп ашылды. Би­ыл атал­мыш халықаралық мектеп өзінің 5 жылдығын атап өту үшін Беларусь еліне Әзірбайжан, Арме­ния, Қазақ­стан, Молдова, Украина, Ресей ел­дерінің жас тілшілерін ша­қырды. Мұндай халықаралық жаз­ғы мектеп 2006 жылы Тбилиси қа­ласында ал­ғаш рет өткізілген бол­са, 2007 жы­лы Ереван қаласында жалғасын тап­қан еді. 2008 жылы “Ақпараттық ин­теграция ақпарат­тық ксено­фо­бияға қарсы” деген ұран­мен Ки­шинев қаласында өт­кізілсе, 2009 жылы Украинада бас қосқан болатын. Сонымен биылғы жазғы мек­теп­ке Қазақстанның атынан Л.Н. Гумилев атындағы Еуразия ұлттық университеті Журналистика және саясаттану факультетінің бір топ сту­денттері мен оқытушылары қатысып қайтты. Іс-шараның салтанатты ашы­луы­на Белоруссияның ақпарат ми­нис­трінің орынбасары А. Слобод­чук, Гуманитарлық ынтымақ­тас­тық­тың мемлекетаралық қоры ат­қа­рушы директорының орын­ба­са­ры П. Гладков, “РИА Новостидің” ТМД және Балтық елдері редак­ция­сының жетекшісі, белгілі теле­журналист А. Касаев және тағы бас­қа БАҚ саласында мол тәжірибе жинақтаған мамандар қатысты. Бұл жиынға біздің елімізден барған жас журналист-саясаткерлер егеменді еліміздің рәміздері, жуыр­да торқалы тойын өткізген елор­дамыз, Еуразия ұлттық универси­теті, ондағы дәріс беретін білікті ұс­таздар жайлы баяндап, дайында­ған слайд-шоу көріністерін көп­шілік назарына ұсынды. Жазғы мектеп аясында әр елдің студенттері көптеген мәдени, қо­ғам­дық, спорттық шараларға қа­ты­сып қана қоймай, кәсіби шеберлік сыныптарға да белсенді араласты. Әлемдік деңгейде өздерінің дара журналистік қолтаңбасы бар бел­гілі журналистер жас тілшілерге кә­сіби тәжірибелерінен дәріс оқып, нағыз журналист деген атқа қалайша лай­ық бола алатын­дық­та­ры жө­нінде өз ойларын ортаға салды. Бұл жиында жас журналистерге фо­то­репортаж, газет, бейнеролик дай­ындау тапсырмалары берілген болатын. Шараның соңғы күні бар­лық жұмыстарды саралап, талдап, бағалап шыққан қазылар алқасы олардың барлығының жұмыста­рына оң баға берді. Бір-бірімен аптаға жуық уақыт бойы аралас-құралас болған жас журналистер шара соңында бір-бірімен қимай қош айтысты. Елі­мізден барған барлық қаты­су­шы­лар өздеріне берген тапсырма­ларды ерекше ықыласпен, жоғарғы кәсіби сапамен орындағандары үшін түрлі дәрежедегі дипломдарға ие болды. Гүлжазира ЕРТАСОВА,  ЕҰУ-дің аға оқытушысы.  Астана – Мәскеу – Минск – Астана.