Астанадағы Нұра ауданында эвакуатор көлігі аялдаманы қиратып кетті, деп жазады Egemen.kz.
Куәгерлер түсірген кадрлардан эвакуатордың жолдан шығып кетіп, автобус аялдамасын қиратып, жаяу жүргіншілер аймағына өтіп кеткені байқалады.
Оқиға Айтматов көшесінде орналасқан «Памир» тұрғын үй кешені маңында болған. Алдын ала мәлімет бойынша, оқиға салдарынан зардап шеккендер жоқ.
Бұған дейін Астанада тұрғын үй ауласында 2 жасар баланы көлік қағып кеткенін хабарлағанбыз.