Елімізде соңғы уақытта тұрғындардың ұялы телефондарына «ҚР Жол полициясы департаменті» атауымен әкімшілік айыппұлдардың бар екендігі туралы күмәнді SMS-хабарламалар келе бастады, деп хабарлайды Egemen.kz.
Полиция бұл хабарламалардың алаяқтар тарапынан азаматтарды алдап, жеке деректерін иемдену және ақша қаражатын жымқыру мақсатында таратылып жатқанын ескертеді. Хабарламаларда көбіне белгісіз интернет-сілтемелер көрсетіліп, сол арқылы тұрғындардың жеке мәліметтеріне қол жеткізу әрекеттері жасалады.
«Осыған байланысты азаматтарды сақ болуға, күмәнді сілтемелерге өтпеуге және бөгде сайттарға жеке деректер мен банк карталарының мәліметтерін енгізбеуге шақырамыз», делінген хабарламада.
Балаңыз байқамай қылмыскер атануы мүмкін: Министрлік ата-аналарға шұғыл үндеу жасады
Әкімшілік айыппұлдардың бар-жоғын тек ресми ақпарат көздері арқылы ғана тексеру қажет:
qamqor.gov.kz eGov.kz сондай-ақ екінші деңгейлі банктердің мобильді қосымшалары арқылы.Полиция тұрғындарды қырағылық танытып, интернет-алаяқтардың арбауына түспеуге шақырады.
Айта кетейік, Алматы облысында терроризм туралы жалған хабар таратты деген күдікпен тоғызыншы сыныптың екі оқушысы ұсталды.