АЛМАТЫ. Қалалар арасындағы әлемдік рейтинг жасау барысында тұрмыс сапасының дәрежесі жағынан Алматы қаласы үздік «жүздіктің» ішіне кірді. Economist Intelligence Unit (EIU) зерттеу компаниясы қызметкерлерінің зерттеулеріне негізделген көрсеткіштердің жиынтығын – тұрақтылық, денсаулық сақтау жүйесі, мәдениет пен қоршаған орта, білім мен қаладағы инфрақұрылым саласының мәліметтері құрады. Бұл туралы Herald Sun хабарлады.
Тізімге барлығы 140 қала кіргенімен, оның 100-і жоғары балдық көрсеткішке ие болды. Бұл орайда Алматы 100 қаланың ішінде денсаулық сақтау мен мәдниетте инфроқұрылымдық даму мен қоршаған ортаның әсері, сондай-ақ, тұрақтылық сақтауда барлығы 55,7 мен 75 балдың арасында ұпай жинаған.
Барлығы 97,5 баллмен Мельбурн қаласы (Австралия) көш бастады. Ең үздік бес қалалардың қатарын 97,5-тен 96,6-ға дейін балл жинаған Вена (Австрия), Ванкувер мен Торонто (екеуі де Канада), Аделаида (Автралия) түзеді.
Алматыдан артта қалған қалалардың ішінде Баку (103 орын – 62,3 балл), Ташкент (116 орын –54,6 балл), Киев (132 орын – 43,4 балл) бар.
КСРО-ның бұрынғы астанасы Мәскеу қаласы 72,8 баллдық көрсеткішпен 81 орында тұр.
Көрсеткіш қорытындысында Алматы қаласының туристер үшін қымбат қала екені де атап өтілген.
Талғат Сүйінбай.
Дерек: Herald Sun.
Сурет: egemen.kz.