АСТАНА. 1 сәуір. «Көкшетау қалалық тұтынушылар құқығын қорғау басқармасы» мемлекеттік мекемесінің басшысы Ардагер Аманжолов кәсіпкерден пара алғаны үшін ұсталды. Бұл туралы zakon.kz хабарлады.
Ақмола облысы бойынша мемлекеттік қызмет және жемқорлыққа қарсы іс-қимыл жөніндегі департаменттің мәліметінше, басқарма басшысы дүкен ашпақ болған жергілікті кәсіпкерден 50 мың теңге сұраған. Басқарма басшысы қылмыс үстінде ұсталды.
Қазіргі таңда ол уақытша оқшаулау изоляторында қамауда отыр. Енді оның үстінен Қылмыстық кодекстің 366-бабы 3-бөлімі бойынша қылмыстық іс қозғалмақ.
Жолдыбай Базар.
Дерек, сурет: zakon.kz.