АСТАНА. 27 қаңтар. Елбасы әлеуметтік желілерді қоғамдық пікірталастың маңызды алаңы деп санайды. Бұл туралы Президенттің баспасөз хатшысы Дәурен Абаев хабарлады.
Ол Ақорданың фейсбуктегі ресми парақшасына: «Құрметті достар! Ақорданың фейсбук әлеуметтік желісіндегі аккаунтына жазылушылар саны 10 мыңнан асқанын қуана хабарлаймыз. Біздің жариялаған дүниелерімізді оқып, пікір қалдырып және парақшаны жетілдіру үшін өз ұсыныстарын білдірген баршаңызға алғыс айтамыз. Сіздермен байланысу арқылы ғана біз жұмысымызды жақсартуға мүмкіндік аламыз.
Мемлекет басшысы уақытының тығыздығына қарамастан, әлеуметтік желілердің негізгі трендтері жайынан жақсы хабардар және оларды қоғамдық пікірталас үшін маңызды алаң деп санайды», – деп жазды.
Еламан Қоңыр.
Дерек, сурет: Ақорданың фейсбуктегі ресми парақшасы.