судья қызметінен өз еркімен кетуге мәжбүр болды
Облыстық мамандандырылған ауданаралық экономикалық соттың төрағасы Андрей Дигант өз еркімен қызметтен кетуге мәжбүр болды.
Оның қызметтен босату туралы өтініш жазуына Қапшағайдағы казинолардың бірінде отырғаны жайлы түсірілген бейнежазба негіз болған. Облыстық соттың өзіндік қауіпсіздік қызметі ойынқұмар судьяға қатысты тексеру жүргізіп, факт расталды. Төрағаның бұл әрекеті судьяның әдеп кодексіне кереғар деген шешім шығарылып, өз арызымен босауға итермелеген.
А.Дигант мамандандырылған ауданаралық экономикалық соттың төрағасы болып бір жыл бұрын тағайындалған. Оған дейін Ақмола облыстық сотында қызмет еткен.
Ойыны осылған судьяның жұмыс күні Қапшағай қаласына жол тартуына қарағанда, жұмыстан әбден мезі болған сыңайлы.
Бақыт РАМАЗАН,
журналист.
Солтүстік Қазақстан облысы.