Италиялық министрмен кездесті

Кеше Үкімет үйінде Қа­зақ­стан Республикасы Пре­мьер-Министрінің бірінші орын­басары Бақытжан Сағын­таев Италияның Ауыл шаруа­шы­лығы, азық-түлік және орман саясаты министрі Маурицио Мартинамен кездесу өткізді, деп хабарлады, Қазақстан Республикасы Пре­мьер-Ми­нистрінің баспасөз қызметі. Келіссөздер барысында тараптар екі елдің ауыл шаруашылығы са­ла­сындағы, АӨК-тегі бірлескен инвес­тициялық жобаларды жүзеге асы­рудағы ынтымақтастықты дамы­тудың жоғары әлеуетін атап өтті. Қазақстан Республикасы Пре­мьер-Министрінің бірінші орынба­сары Миландағы ЭКСПО-2015 сәтті өткеннен кейін Италияның 2017 жы­лы Астанада өтетін көрмеге қаты­суы маңыздылардың бірі бола­ты­ндығына сенім білдірді. Бақытжан Сағынтаев пен Мау­рицио Мартина, сондай-ақ, Қазақ­станның Дүниежүзілік сауда ұйы­мына (ДСҰ) мүшелігі жағдайында республиканың агросекторын дамыту мәселелерін талқылады.